8 класс
Поздравляем Слюнкина Вадима, занявшего 3 место в районном смотре-конкурсе "Школа безопасности" в номинации "Знаток ОБЖ".
Новы год - самае галоўнае і доўгачаканае свята ў годзе. Зіхаціць рознакаляровымі агнямі зялёная прыгажуня-ёлка, Дзед Мароз і Снягурка запрашаюць у карагод, а пад ёлкай ляжаць салодкія падарункі!
У казачнай атмасферы з нечаканымі сюрпрызамі і незабыўнымі ўражаннямі ва ўстанове адукацыі прайшоў навагодні ранішнік “У гасцях у навагодняй казкі”. Навучэнцы, у тым ліку вучні 3 класа, з задавальненнем прымалі ўдзел ва ўсіх конкурсах, выконвалі песні і танцы. Кульмінацыйным момантам свята, вядома ж, было ўручэнне навагодніх падарункаў.
У адпаведнасці з Планам мерапрыемстваў па правядзенні ў Рэспубліцы Беларусь Тыдня маці 13 кастрычніка 2017 г. прайшоў Урок сямейнага жыцця «Здаровая сям'я - здаровая нацыя", які спрыяў выхаванню ў трэцякласнікаў пачуцця любові і павагі да бацькоў, гонару за сваю сям'ю.
2 кастрычніка прайшоў турнір знаўцаў беларускай літаратуры паміж трэцім і чацвёртым класамі пад назвай "Ганарымся Вамі, песняры зямлі беларускай", прысвечаны 135-годдзю з дня нараджэння Я.Купалы і Я.Коласа. Заданні былі дастаткова складаныя, але каманды працавалі дружна і рашуча. Усе атрымалі задавальненне ад гульні.
Родная мова, цудоўная мова!
Ты нашых думак уток і аснова!
Матчын дарунак ад самай калыскі,
ты самацветаў яскравая нізка.
Уладзімір Дубоўка
Штогод 21 лютага ва ўсім свеце адзначаецца Міжнародны дзень роднай мовы. У гэты дзень вучням 1 і 2 класаў была прапанавана віктарына знаўцаў беларускай мовы “Беларуская скарбонка”.
Маленькія знаўцы беларускай мовы з захапленнем разгадвалі рэбусы, крыжаванкі, адгадвалі загадкі, чыталі вершы беларускіх паэтаў. Малодшыя школьнікі паказалі не толькі добрае веданне беларускай мовы, але і шырокі кругагаляд.
